បើសិនជាធម្មតាលោកអ្នកនិយមទទួលទានដំឡូងបារាំងបំពងជាចំណីនោះ ប្រហែលលោកអ្នកគិតថាមានដំឡូងមួយប្រភេទនោះទេដែលបំពងទៅឆ្ងាញ់! តែលោកអ្នកដឹងដែរឬទេថាដំឡូងជ្វាយើងក៏មានរសជាតិមិនណយប៉ុន្មានដែរ! សាកល្បងយកដំឡូងជ្វាទៅបំពងមើលទៅប្រាកដជាស្គាល់រសជាតិវាជាមិនខានឡើយ! ចង់ដឹងទេថាវាមានរសជាតិយ៉ាងណា? ប្រាកដជាមានរសជាតិផ្អែមហើយ!
គ្រឿងផ្សំ៖
ដំឡូងជ្វា (តាមតម្រូវការ), ប្រេងឆា, ទឹកម្ទេសជូរអែម ឬស្ករស (រើសតាមចិត្តចង់)
វិធីចម្អិន៖
- យកដំឡូងជ្វាទៅចិតសម្បកឱ្យស្អាត កាត់ជាកង់ៗវែងប៉ុនម្រាមដៃ រួចយកទៅត្រាំទឹក និងដាក់អំបិលចូលបន្តិច (ទុកប្រហែល ១០ នាទី ដើម្បីឱ្យកាត់ជាតិជ័រឱ្យអស់)
- ស្រង់ដំឡូង ហើយទុកវាឱ្យស្ងួតទឹក
- ដាក់ខ្ទះលើភ្លើង ចាក់ដំឡូងចូល កូរឱ្យស្ងួតទឹកល្អ រួចដួសដាក់ចាន
- ចាក់ប្រេងចូលក្នុងខ្ទះល្មមអាចបំពងដំឡូងបានឆ្អិនល្អ ទុកឱ្យពុះបន្តិច រួចចាក់ដំឡូងដែលកូរអម្បាញ់មិញចូល ហើយបំពងឱ្យឆ្អិនល្អ (ដំឡូងឆ្អិនច្រើនមានពណ៌ត្នោត)
- ដួសដាក់ចាន ហើយជ្រលក់ទឹកម្ទេសជូរអែម ឬស្ករសដើម្បីឱ្យកាន់តែឆ្ងាញ់!
No comments:
Post a Comment