ធម្មតា គេតែងតែស្លការីជាមួយនឹងសាច់ត្រី សាច់ជ្រូក សាច់មាន់ ឬក៏សាច់គោ ថ្ងៃនេះនាំគ្នាមកសាកស្លការីជាមួយបង្គាវិញម្ដងមើល៍ថាឆ្ងាញ់ប៉ុណ្ណា!
គ្រឿងផ្សំ៖
ប្រេងឆា ១ ស្លាបព្រាកាហ្វេ, គ្រឿងការី ២ ស្លាបព្រាបាយ, ខ្ទិះដូងដើម ១ ពែងកន្លះ, ម្ទេសក្រហម ១ ផ្លែ ឆ្កឹសគ្រាប់ចេញ រួចកាត់ជាសរសៃវែងៗ, ផ្សិតហាន់ជាសរសៃៗ ១ ខាំកន្លះ, បង្គាបកសម្បកចេញ និងជីរដំបង
វិធីចម្អិន៖
- ដាក់ខ្ទះដាំឱ្យក្ដៅ រួចចាក់ប្រេងចូល ហើយចាក់គ្រឿងការីចូល ឆាប្រហែល ៣០ វិនាទី
- ចាក់ទឹកខ្ទិះដូងចូល កូរចុះកូរឡើង
- ដាក់ម្សិត និងសរសៃម្ទេសក្រហមចូល ហើយកូរចុះកូរឡើងប្រហែល ៣ នាទី
- បង់បង្គាចូល ហើយចម្អិនប្រហែល ២ នាទី
- (អាចបង់គ្រឿងទេសបន្ថែមតាមតម្រូវការ រួចភ្លក្សមើលថាត្រូវមាត់ឬក៏អត់)
- ពេលដែលការីបង្គាឆ្អិន រោយស្លឹកជីរដំបងពីលើ ហើយដួសដាក់ចាន (អាចទទួលទានជាមួយបាយយ៉ាងឆ្ងាញ់ពិសារ)៕
No comments:
Post a Comment