ញ៉ាំផ្លែឈើច្រើនធ្វើឱ្យមានសុខភាពល្អ និងមានសម្រស់ស្បែកស្អាត! អញ្ចឹង សូមអ្នកទាំងអស់គ្នាមកសាកធ្វើ "សាគូផ្លែឈើ" ញ៉ាំទាំងអស់គ្នា!
គ្រឿងផ្សំ៖
គ្រាប់សាគូ កន្លះពែង, ទឹកដោះគោស្រស់ ឬទឹកខ្ទិះដូង ៣ ពែង, អំបិល ១/៤ ស្លាបកាហ្វេ, ស្ករស កន្លះពែង, ពងទា ២ គ្រាប់, ផ្លែគីវី ម្នាស់ ប៉ោម កាត់ជាកង់ៗតូចឱ្យបានពីរពែង
វិធីធ្វើ៖
- ដាក់ឆ្នាំងនៅលើចង្រ្កានមានភ្លើងងុំល្អ ចាក់គ្រាប់សាគូ ទឹកដោះគោ ឬខ្ទិះដូង និងអំបិលចូល ដាំឱ្យពុះ ហើយរម្ងាស់ចោលប្រហែល ៥ នាទីទាល់តែឆ្អិនល្អ រួចបិទភ្លើង និងបើកគម្របឆ្នាំង
- គោះពងទាបំបែក រួចវាយចូលគ្នាបន្តិច ហើយចាក់ចូលក្នុងទឹកសាគូដែលបានឆ្អិន និងនៅក្នុងក្ដៅនោះ ហើយបើកភ្លើងម្ដងទៀត ដាំឱ្យពុះ រួចដាក់ចុះ
- ទុកវាឱ្យត្រជាក់ រូចដួសដាក់ក្នុងកែវមួយ ហើយចាប់ផ្លែឈើដាក់ចូលក្នុងគ្រាប់សាគូនោះជាការស្រេច៕
No comments:
Post a Comment